• ГУО "Дубровский детский сад-средняя школа Лельчицкого района"
  

Обратный отсчет

До Нового года 34 дней

Праздники Беларуси

З 23 па 27 лютага 2015 года ў школе праходзіў тыдзень беларускай мовы і літаратуры.

У мерапрыемствах тыдня  прынялі ўдзел вучні 5-9 класаў. Разнастайнасць праграмы дазволіла кожнаму вучню знайсці занятак па душы. З планам тыдня вучні былі пазнаёмлены ў першы дзень.

Для вучняў 7 класа тыдзень пачаўся з віктарыны ”Моўныя скарбы роднага краю”, якую падрыхтавалі вучні 7 класа разам са сваёй настаўніцай Тамарай Іванаўнай Сідарчук.

Самымі актыўнымі былі хлопчыкі. Вучні прадэманстравалі свае творчыя здольнасці: адгадвалі загадкі,складалі прыказкі,утваралі словы.  У аўторак, 24 лютага, вучні 5 класа праводзілі КВЗ ”З рога ўсяго многа”, у час якога ўсе жадаючыя мелі магчымасць праверыць свае веды па беларускай мове і літаратуры.

 

25 лютага вучні 8 класа запрасілі ўсіх на падарожжа “Па краіне Беларусь”.  Сваім мерапрыемствам Карповіч Марыя Мікалаеўна пастаралася зацікавіць вучняў да нацыянальнай творчасці, яе гістарычнай каштоўнасці, а таксама імкнулася абудзіць у сваіх выхаванцаў пачуццё гонару да нашай краіны.

26 лютага Тамара Іванаўна Сідарчук праводзіла конкурс ”Ведай роднае слова”, які прайшоў паміж 7 і 8 класамі.

Мэты мерапрыемства:

-папулярызаваць беларускую мову сярод моладзі;

-паглыбіць веды вучняў па роднай мове праз гульню;

-выхоўваць павагу, ашчадныя адносіны да роднага слова, да Радзімы;

-спрыяць развіццю інтэлектуальнага ўзроўню, каманднай работы.

Мэты былі дасягнуты ў ходзе правядзення мерапрыемства. Гэтаму садзейнічалі цікавая і адпаведная ўзросту вучняў форма мерапрыемства, пазнавальныя заданні, конкурсы, накіраваныя на  развіццё творчых здольнасцей вучняў. Перамогу атрымалі вучні 8 класа.

Цікава прайшоў 27 лютага лінгвістычны конкурс ”Вясёлая фразеалогія”, які падрыхтавала Марыя Іванаўна Лось з вучнямі 6 класа.

Вучні прадэманстравалі свае творчыя здольнасці. Святочнаму аздабленню і стварэнню атмасферы свята садзейнічалі прачытаныя вучнямі вершы.

Конкурс прайшоў пры высокай актыўнасці ўдзельнікаў гульні і балельшчыкаў.

У гэты ж дзень адбылося закрыццё тыдня. Былі падведзены вынікі і ўручаны падзякі самым актыўным удзельнікам. Сярод удзельнікаў тыдня найбольш актыўнымі былі Андрусава Валянціна, Сечка Аляксандра,Рускевіч Анастасія, Палуянава Алёна-5 клас; Верасовіч Аліна, Колас Вадзім-6 клас; Якушэвіч Марына-8 клас.

Тыдзень прайшоў цікава і захапляльна. Вучні пашырылі свой кругагляд і паглыбілі свае веды.

ВЕРСИЯ ДЛЯ СЛАБОВИДЯЩИХ

Поиск по сайту

Баннер

Официальный сайт Государственного учреждения образования "Дубровский детский сад-средняя школа Лельчицкого района". Регистрационный номер 79364. Дата регистрации 25.06.2013 г.